朱茵近日獲日本護膚、化妝品牌資生堂邀請任代言人，日前還到上海拍攝廣告，該廣告將在內地全國播放。朱茵表示任代言人先要過三關，幸好最後排眾而出，令她十分高興。
朱茵最近到上海拍攝日本護膚、化妝品牌資生堂的廣告，對於有幸成為該品牌的代言人，她感到十分開心。朱茵表示拍攝這個廣告前，她要先過三關。
朱茵日前接受訪問時說：「我知道廣告商挑選代言人好嚴格，當日本方面聯絡我時，我都好開心，即刻安排面試。
「廣告商要我拍攝一段長三分鐘嘅自我介紹片段，同埋要整理一份履歷，跟住日本就安排人過嚟香港同我見面。」結果朱茵成功排眾而出，自然十分高興。
這次廣告拍攝，朱茵在上海逗留了六天，她慶幸當時中港兩地的非典型肺炎情況都不太嚴重。朱茵說：「廣告商專登喺上海搭咗一個場景拍攝，事前又有專人同我度身訂做靚衫，化妝同髮型都要求嚴謹，成個過程都好順利，呢次拍攝嘅酬金亦好理想，我知呢個廣告會喺內地全國播放。」
問朱茵近日如何抗炎，她說：「我好欣賞前線嘅醫護人員，好敬重佢哋，明知危險都好用心照顧病人，我哋作為巿民就要做好本份。呢排我都戴晒口罩、消毒藥水同香薰出街，我覺得預防肺炎，大家應該同心協力。」
撰文：比華利
