全程戴口罩都係咁話：「今個星期一定要入沙田一趟。」，因為西田百貨嘅季初優惠減價已經開始。無論屋企用嘅家庭用品、去旅行必需嘅行李喼、扮靚用嘅化妝品、小朋友至愛嘅玩具、以及着上身嘅衫褲鞋襪，都會嚟個勁減優惠，最平更低於原價三折。咁大型咁多元化嘅減價，梗係唔可以錯過啦。
記者：馬慶武 攝影：陳偉強
Model：Winki(Sunspot)
今次西田減價優惠重有一噱頭，就係某些貨品唔理折頭，全部以$100呢個價錢發售，包括有冷氣被、旅行喼等，當中大部份貨品都平過半價，但此系列貨品嘅另一特點係貨量唔多，而且全屬搶手熱賣貨色。
第一件事一定係去買$100均一超值系列，因為此系列貨量不多，不過西田已事先留起一啲熱門貨品，喺今日推出最後一批，有心要買嘅就記得早啲去喇。另外由接近七百蚊減到百幾蚊嘅美亞紐紋寶雙耳湯煲，今日亦有最後一批貨推出，同樣係減價無耐已經火速斷市㗎。
西田百貨(26941111)
地址：沙田新城市廣場第三期二樓
減價日期：即日起至4月27日