△夜。懵董夫婦在家中大廳看電視。△懵董忽然表情怪異，好像想要。
懵董：娉娉，你今晚特別靚。
懵婆：你都幾英明神武吖。
懵董：（裝打呵欠）電視都冇嘢睇，娉娉，不如上床囉可。
懵婆：（裝害羞）唔，人哋都未眼瞓，咁快就叫人哋上床。
△懵董立刻警覺地東張西望，欲查出「人哋」是誰。懵董智商異乎常人。
懵董：（緊張地）邊個「人哋」？冇第個人喺度喎。
懵婆：（續裝羞）唔制，你玩人哋嘅，人哋怕羞吖嘛。
懵董：（急得滿頭大汗）娉娉，究竟邊個係「人哋」唧，吓？
懵婆：哎吔你好鬼死cutie呀，冧死人哋喇！「人哋」咪即係我囉。
懵董：早啲講嘛，嚇死我。
（向懵婆單眼）咁，我哋不如上床囉可，好嘛，娉娉？我有信心會做得好嘅。
懵婆：你唔怕密切接觸會染上SARS咩？
懵董：點會呢，你今日去牛頭角親民嗰陣，着住成套生化太空衣，百菌不侵㗎嘛。
懵婆：嘻，安全第一嘛，雖然嚇親嗰度啲街坊，都係值得嘅。無論香港點都好，theshowmustgoon！
懵董：（感動）娉娉，you...youtakemybreathaway！
懵婆：（嬌羞無限）咁……人哋上床先囉喎。
懵董：咁你重着住套生化太空衣？
懵婆：（姣上加姣）女人要保持神秘感㗎嘛。不如你除先，我喺睡房等你。唔好要我等太耐喎，cutie。
△