寶詠琴一生的事業和感情生活都多姿多采，但她的衣着品味卻非常專一。寶詠琴一生最鍾愛的衣着品牌不多，最常穿的總離不開殿堂級法國品牌Chanel及全以人手縫製的英國品牌Voyage。
寶詠琴昨日於港安醫院病逝，終年四十九歲，她一生鍾愛法國名牌Chanel，她更與國家元首夫人等並列「ChanelfineJewellery」全球五個VIP之一。寶詠琴買衫扮靚向來豪爽，她曾透露九六年在加拿大，於半小時內一擲四百多萬購下Comet鑽石頸鏈（其後女兒劉秀融曾佩戴亮相）及大批鑽飾，哄動一時。
九九年，寶詠琴又購入一千六百萬元的Chanel珠寶，寶詠琴又曾試過於加拿大Chanel專門店，在十分鐘內購入十套Chanel套裝，令售貨員留下深刻印象。Chanel的香港區公關經理Mabel，昨日透露將通知巴黎總部寶詠琴的死訊，她說：「寶小姐主要喺巴黎同加拿大Chanel買嘢，我哋損失一個咁好嘅大客，當然好可惜，但希望佢可以安息。」
寶詠琴亦因為女兒劉秀融而愛上英國品牌Voyage，其每一件衣服均由設計師人手訂做，獨一無二，一件簡單的Cardigan已動輒過萬，寶詠琴在Voyage未大紅時已開始穿着，直至她去逝前，確是眼光獨到。
名媛設計師鄭兆良曾為寶詠琴設計過不少晚裝，他昨日得悉寶詠琴死訊後說：「真係好可惜，佢係一個好爽快同好nice嘅人。以前佢坐郵輪度假，會一次過嚟我度訂五、六套衫上船着，多數係casualwear，佢好易話為，全部任我發揮。」
鄭兆良讚揚寶詠琴對衣着有眼光，他說：「佢好sweet，睇衫會睇埋內櫳同cutting，通常冇特別要求，最緊要料靚。有時會特別做衫配首飾，佢買咗一條粉紅鑽頸鏈畀佢個女，就叫我做一條粉紅色晚裝裙襯番。」
而作為一個珠寶收藏家，寶詠琴擁有不少稀世珍寶，九八年秋季，她曾一次過將六十多件收藏交予佳士得拍賣，套現五千多萬港元，出售的包括一枚由前夫劉鑾雄所贈、重六十六卡的藍寶戒指。
寶詠琴年輕時曾以嫵媚曲髮示人，其後因癌症經歷多次化療，致嚴重脫髮。曾為寶詠琴理髮八年的著名髮型師RickyKwok，最後一次為她剪髮是二月份，他昨日在電話中語調哀傷地說：「嗰次佢去我舖頭剪，重同我話遲啲身體冇咁好，要我上門幫佢剪。前幾日，我重諗點解佢咁耐唔剪髮。真係令人傷心，其實佢幾年前大病，就開始要求剪短髮，方便打理又精神啲，唔使次次搵人吹頭。」
採訪：林妙萍
