周潤發日前接受鄭裕玲的訪問，他談及夫妻相處之道時，笑說自己在家中甚少說話，但發嫂陳薈蓮則「好多嘢講」，可是若聽不到太太的嘮叨，自己又感到不習慣。
周潤發近年主力發展荷李活市場後，甚少接受香港的電視台訪問，日前發哥應無綫《娛樂大搜查》邀請，在尖沙嘴某酒店接受鄭裕玲（嘟嘟）的專訪。當發哥看見多年沒見的老拍檔嘟嘟時，熱情得準備來一個見面吻，但嘟嘟立刻阻止說：「發哥，𠵱家非典型肺炎好厲害，唔使錫同握手啦。」結果兩人來一個飛吻。
在一個小時的訪問中，發哥暢談了人生、在荷李活發展的情況、夫妻相處之道及自己精神受困擾要看心理醫生等問題。當發哥談到夫妻相處之道時，他說：「老婆就好似係我塊鏡咁，望到佢就等如望到自己。同佢結婚咁多年，幾乎大部份時間都喺埋一齊，最多都係分開過幾個鐘頭，平時唔使開工，我哋鍾意喺屋企，不過我喺屋企好少出聲，但老婆就把口唔停，好多嘢講，有時成日俾佢哦住都會覺得煩，但聽唔到佢把聲，又會唔習慣。」
發哥續說：「可能因為我大男人，好少幫老婆做家頭細務，佢係一個好硬淨嘅女人，好少話開口叫我幫手，反而係我自己見到會主動幫手搞掂。」
此外，由發哥及尚威廉史葛（SeannWilliamScott）主演的《刀槍不入一僧侶》，上周三在美國的復活節檔期上畫。由周五至昨日為止，《刀》片的周末票房預計可達八百四十萬美元（約六千五百五十萬港元），穩奪上周美國總票房的第四位。
採訪、攝影：魯萍