全港齊心對抗非典型肺炎，噚日就有兩個稀客參與做義工，其中一個係女長毛。八方噚日經過牛頭角下邨，見到女長毛唔示威反而攞住啲消毒包周圍派畀市民，原來佢係應義務工作發展局嘅號召嚟幫手。女長毛話佢呢次係幫市民，唔係幫政府。
八方之後同女長毛嘅示威戰友傾開，佢哋竟然話，女長毛最好小心啲，唔好感染SARS，否則容乜易搞到佢哋成班人要隔離，十日之內冇得示威會好冇癮！
另一個同女長毛一齊派消毒包嘅人，你估都估唔到，竟然係發起六六年天星碼頭絕食抗議、成為公民抗命先驅者嘅蘇守忠。蘇守忠已經出咗家好耐，法號叫曜樂，今次連久未露面嘅大師都要出山，你都咪話唔大鑊。
﹙圖﹚堪稱公民抗命先驅的蘇守忠雖已出家，但樂做義工抗炎。
傳真︰2623-9278
電郵︰