人稱「楊公子」的衞生福利及食物局局長楊永強，昨晨往灣仔鵝頸街市參與清潔活動，身穿白T恤和黑西褲的他繼續沒有戴口罩，結果招來指摘。
「佢都唔識保護自己，點樣保護人。」馬先生見到楊永強沒戴口罩做清潔工作顯得很不滿，他說：「我睇見都嬲，佢病咗，我哋納稅人重要畀幾十萬一個月嚟養佢。」
楊永強於早上十一時抵達街市，與二樓一間服裝店店東寒暄幾句後，就轉往生果舖買十個芒果。
其後，楊永強走到事先準備的一比四十九漂白水水桶前作稀釋示範，他坦言：「喺屋企唔使自己溝。」楊公子在抹扶手電梯時顯得姐手姐腳，記者問他是否平生首次做清潔，他回答說：「六七年去英國讀書嗰陣都有做過，唔係第一次。」
楊永強在街市逗留二十分鐘便離開，東主劉太抱怨，「冇咗成朝生意，佢哋玩『三個字』（十五分鐘），我哋就做足三日。」