張栢芝昨日出席港台抗炎活動時，戴上印有禁煙標誌的口罩，她卻在台上直認自己有吸煙習慣，隨後又否認曾吸煙。後來栢芝又表示吸煙會影響肺部，不過自己煙癮不大，不會戒煙，似乎非常矛盾。
昨日港台舉行的《港台Radio2抗炎關懷日》活動，張栢芝戴上印有禁止吸煙標誌的口罩出現，並露出豹紋底褲和腰部的兩個紋身。
栢芝一上台便說：「坦白講，我有食煙嘅習慣，但希望大家戒得就戒，可以食少啲就食少啲。」問她一日吸少多少支煙？栢芝尷尬地說：「我唔係食，係揸住冇點。」主持丘凱敏說：「咁你以後改揸煙仔餅啦。」栢芝笑而不答。
其後栢芝接受記者訪問時說：「坦白講，我唔會戒，但我煙癮唔大，係拍通宵戲先食多啲，平時每日都係食六至七支，最多半包，彈琴或者彈結他就點着唔食，不過食煙始終令個肺弱，所以可以食少啲就食少啲。」
對於有雜誌寫陳小春𠝹女，及栢芝的事業跌至谷底要減價催谷，栢芝回應說：「我唔知小春同邊個食飯。價錢方面我好堅持，唔會減價，我搵嘅錢同以前一樣。有啲記者寫到我好似破咗產咁，你哋邊個有義氣就借住啲錢畀我使。」
至於向太陳嵐力捧應采兒，栢芝說：「我哋好friend，我唔介意公司捧邊個，應該樂觀啲去睇，一山還有一山高，好多人都紅過張栢芝同應采兒，如果要鬥就好辛苦，總之我哋係好朋友。」
另外，向來喜愛打保齡的劉德華，談到保齡球前世界冠軍兼亞運金牌得主許長國因為患腦腫瘤病逝一事說：「我聽到消息覺得好惋惜，我哋一齊比賽過，有keep開一齊打波，早幾日都見過面，唔覺佢有事。呢件事好突然，令我更加明白人生好多事係預計唔到。」
此外，陳小春原定晚上七時會出席抗炎活動，但一直未有出現，至七時十分，港台公關表示因小春正趕拍電影外景，所以未能出席活動。
採訪：李珮洳、駱華齡
攝影：仇志德、甄朝健
