本月初張國榮因抑鬱症走上自殺之路，令大家無限惋惜。原來另一位天王巨星周潤發去年中精神亦大受困擾，需要求助心理醫生，尤幸發哥在醫生與妻子的輔導和支持下，終能克服過去，所以發哥寄語演藝界朋友若有何問題，應盡早求醫，千萬不可諱疾忌醫。
忙人放長假心理失調
周潤發在演藝界奮鬥了三十年，由一個南丫島土生的無名小子，至今飽歷風霜成為受萬人擁戴的國際巨星，接拍一齣西片便可穩袋過億元片酬，連中學教科書都將其奮鬥史列為教材。今時今日的周潤發，成就羨煞不少香港人，但天王巨星所背負的沉重壓力，卻實在不足為外人道。
發哥的好友張國榮去年患了抑鬱症，更於本月一日愚人節跳樓身亡，噩耗傳來，對發哥亦造成沉重的心理打擊，因為他完全理解張國榮和其他當紅藝人所承受的壓力，去年中發哥亦發現自己精神大受困擾，需要定時看心理醫生和服用藥物。
發哥日前坐在家中客廳接受本報專訪時，寄語時下藝人道：「如果有一日，當你發現精神受困擾，最好第一時間去搵心理醫生了解，千祈唔好驚或逃避，否則病情一日一日咁惡化就弊。我上年中有一段時間，忽然覺得心跳得好厲害，不斷流汗同手震，有時重會覺得好似唞唔到氣咁，重會持續失眠，當時我以為身體有毛病，去醫院做晒全身檢查，醫生話我身體乜事都冇，但情況重係冇改善，所以我繼續搵過唔少大醫生再檢查身體，結果都係話我健康冇問題，最後醫生建議我去睇心理醫生。」
發哥續說：「同心理醫生傾過幾次之後，醫生話我可能係咁多年嚟不停咁工作，上年突然有咁長時間休息，感覺就好似一副未停過嘅機器突然間要停落嚟，身體機能未必可以即時適應，而心理上因為多咗啲時間諗埋好多無謂嘢，先會造成心理有困擾，我真係唔知道原來多咗時間休息會搞到自己有心理病，不過當時我冇驚，因為身邊有一位我好信任嘅太太同醫生輔導我，呢段時間我嘅情緒起伏都好大，過咗幾個月時間，我終於克服咗呢個病。
「醫生後來同我講，話我個病唔算嚴重，可能係因為以前我拍動作戲整傷過頸椎骨，有軟骨壓住神經線影響到心臟神經跳動加速，加上自己疑神疑鬼，先會形成心理陰影，知道病源之後，心裏好多困擾就消除咗，𠵱家已經冇事，唔使再去見醫生。」
張國榮向來欣賞發哥，他在過身前幾個月曾邀發哥到其家晚膳，當晚大夥兒相處得十分愉快。發哥說：「Leslie（張國榮）一向畀我嘅感覺都係好樂觀，會好識care人，嗰晚佢冇同我講有乜唔開心事，」