組合Boy'Z昨日在天水圍商場出席「開心樂園唱遊復活節」活動，吸引數百市民圍觀，大會為防傳播非典型肺炎，特別呼籲在場人士必須戴上口罩，而入場記者除要戴口罩外，雙手亦要即場消毒。Boy'Z的助手更勒令兩人不可以與fans握手，只准揮手。
繼日前Boy'Z出席活動經過屋邨，慘被人從高空掟竹籮後，昨日活動期間亦有人從商場二樓連掟兩隻紙飛機，而其中一隻剛巧落在Kenny背部。
事後Kenny力撐fans說：「我諗佢哋唔係惡意嘅，我見到紙飛機覺得好好玩，因為以前都有諗過做飛機師，遲啲都可能會去考返個飛機師牌。」
稍後Boy'Z會接拍電視劇《功夫足球》，原來兩人對足球亦十分熱衷，問到酬勞時，Kenny說：「未知呀，一直都冇問過，連做乜嘢角色都唔知。」
採訪、攝影：王連連