「個雪櫃都係社區中心以前畀嘅，舊年六月已經開始唔凍，後來重壞埋𠻹，𠵱家天氣開始熱，冇雪櫃用真係好唔方便。」阿玲一臉無奈地說。
活在貧窮線下的阿玲，丈夫已屆八十一歲高齡，屬長期病患者，他除患有心臟病、胃潰瘍外，亦曾經中風及有老人癡呆症，失去自我照顧能力。由於年輕時曾受丈夫恩惠，阿玲見他晚年無依無靠，甚為可憐，遂不嫌棄委身下嫁，並持雙程證來港照顧他。
「伯伯唔肯入老人院，我一走佢就嗌要自殺，因為咁，當局都特別恩恤發咗個多次往返嘅簽證畀我，方便我照顧佢。」現時阿玲與丈夫同住公屋單位，並靠丈夫一份綜援金生活。
由於經濟拮据，夫婦平日省吃儉用，沒有分毫積蓄，雪櫃壞了大半年，他們亦沒錢購買，只能將食物用冷水保存，有欠衞生。阿玲表示：「食剩嘅飯餸，我會放喺個鍋，然後加啲水冚好蓋，咁樣冇咁容易變壞。天氣冷重可以用呢個方法，但𠵱家天氣開始熱，啲餸菜有時都會發臭。」阿玲惟盼獲贈一部雪櫃，改善丈夫的生活。
捐款編號：C0608
暖流熱線
電話:29908688
傳真:23702192
電郵:
網址：