劉德華昨天接受商台訪問，對於他接拍張藝謀的武俠片，他表示暫未可透露太多，他說：「我唔可以答到，但我非常有興趣同張藝謀合作。喺奧斯卡金像獎之前我見過佢，佢話有套古裝片想搵我拍，話有劇本之後再親自同我傾，我要睇番劇本同有冇時間拍。」
另外，華仔稱拍《健美先生》穿的大隻佬衫很辛苦，他說：「我脾氣勁過之前十倍，不過導演比我拍兩日就休息一吓。」問華仔有否見過戲中要佩戴的假「何B仔」，他笑說：「我日日都見啦﹗通常嗰日啲衫係短褲或者泳褲都要用，其實都幾多時間會着，着咗都好似着潛水衣咁。」
但華仔卻否認早前有傳他拒絕到內地一些肺炎高危地方拍攝，他說：「你睇我似唔似啲咁嘅人？」
採訪、攝影：王連連