余文樂日前為了拍攝廣告而逗留深圳三日，他表示當地幾乎沒有人佩戴口罩，而且他外出晚飯時曾有人建議吃野味，幸好他事先向對方表示只吃海鮮，不過他連龍蝦刺身也不敢吃。
余文樂昨日以「生命大使」的身份，到香港仔海濱公園出席「社區互助齊抗炎——愛心傳送站」活動，樂仔更於祝願樹寫上鼓勵香港市民的字句。
樂仔透露自己前日於深圳返港，他此行主要是到當地拍攝廣告，他說：「我除咗帶齊口罩上去之外，我重帶備私家毛巾，我用毛巾鋪住個枕頭先瞓。」不過，樂仔卻指當地幾乎沒有人戴口罩，連一班與他一起拍廣告的工作人員亦沒有佩戴，他續說：「上面個個人都唔戴口罩，所以搞到我都有啲尷尬，不過我唔理得咁多，一唔使埋位時我都會即刻戴番。」
此外，問到樂仔於當地有沒有品嘗野味時，他回答：「個老闆同我出去食飯時真係想點野味，好似貓、蠍子同埋和味龍，我一定唔會食㗎，所以我就同佢講我淨係食海鮮，同埋叫佢千祈唔好點。不過佢叫咗龍蝦刺身兼且猛咁叫我食，我咪側側膊將舊刺身放入個碗先，之後再用第二嚿餸遮住。」
最後，樂仔表示最近亦禁止妹妹外出，他說：「因為停課都係想唔好咁多人聚埋一齊，如果佢去一啲多人嘅地方，咁咪同返學一樣。但係我個妹二十二號（下周二）都復課啦，我諗學校一定會做足清潔措施。」
採訪、攝影：李珮洳
