近日Christy為下月二日出版的台灣《蘋果日報》，拍攝了一輯極大膽的宣傳廣告，性感程度較她過往所拍的寫真和電影還要大膽，因為拍攝時Christy全裸上陣，所以需要清場拍攝。
Christy說：「可能好多人會以為我拍呢個廣告係因為酬金好可觀，但當初我決定接拍呢個廣告時，其實內心都掙扎咗好耐，因為我從來未試過幫傳媒拍過一個咁大膽嘅廣告，後來我知道呢份報紙會喺台灣用好多錢賣廣告，加上台灣《蘋果日報》出版嗰陣，迴響肯定好大，咁樣對提高我喺台灣知名度好有幫助，所以我先決定接拍。為咗呢個廣告，之前我喺法國做一個影展嘅評審時，即使面對我至愛嘅法國麵包都唔食，要盡量喺拍攝廣告前保持身段，𠵱家拍完個廣告，可以放肆咁食番夠本啦！」
認識Christy的朋友都知道她對演戲很有理想，十分介意別人視她為花瓶。
在未來的歲月，Christy準備與男友一起開設製作公司，然後找老闆投資拍一些自己有興趣的題材。Christy充滿憧憬地說：「如果要拍理想電影，我諗都係自己去搞，好過等運到，因為等好劇本送到上門，始終唔係咁容易，近年嘅我喺香港都推咗唔少爛片，唔想只係為搵錢而拍戲。」