飽受非典型肺炎困擾的市區居民，昨趁着復活節假期，不少跑到感染低風險的離島區，脫下口罩吸一口新鮮空氣；怎料卻遭一些長洲居民指摘：「佢哋嚟到長洲，個個都除晒口罩，真係驚佢哋將啲菌帶埋入嚟，搞到我哋變成疫島。」
政府公布的疫廈名單中，離島可說是低風險區。家住大埔區的黃先生，一家三口昨到長洲走走，呼吸新鮮空氣。他說：「舊年成家人去中山過復活節，內地新聞封鎖，有幾多人受非典型肺炎感染冇人知，所以今年都係同屋企人去離島住一兩日，除低個口罩唞吓氣。」
中區離島線碼頭昨擠滿輪候購票往離島度假的市民，其中不乏小家庭和結伴同行的年輕人。有長洲居民形容島上沉寂多時的度假村「鹹魚翻生」。有度假屋東主打趣說：「長洲嘅島民，冇乜人戴口罩，我哋呢度空氣好，愈嚟愈多人入嚟除晒口罩，真係怕佢哋帶埋的菌入嚟住。」
除長洲外，南丫島、大澳及寶蓮寺大佛的中外旅客雖大減，相反卻多了留港消費市民的足迹。然而，在離島大解放市民，返回市區後即慣性地戴上口罩，在疫潮獲解決前，乖乖做個蒙面人。