非典型肺炎搞到好多國際活動都要取消，又有香港人俾人歧視，被拒登上一艘挪威郵船。好彩投資推廣署贊助嗰隻叫做「香港號」嘅快速帆船，前日順利駛離維多利亞港，向新加坡進發，繼續競逐「二○○二環球快速帆船大賽」，盧維思署長，你係得嘅。
「香港號」船員在港停留三星期，其間日程安排緊密，睇完國際七人欖球賽，之後又去招待英國商界人士嘅酒會，再同國際企業行政人員參加兩天嘅「企業出海日」。
班團員話好享受喺香港嘅日子，希望佢哋健健康康，話畀世界其他人知，香港唔係咁得人驚啫。
（圖）投資推廣署贊助嘅「香港號」快速帆船駛離維港，向新加坡進發。
圖片由投資推廣署提供
傳真︰2623-9278
電郵︰