趙世光的紅顏知己譚玉梅昨與兩名友人出現中環，她說近日因非典型肺炎而減少出街，且有感女人廚藝佳在男人心中會獲加分，所以在家中努力學煮廣東菜及煲湯，與朋友分享，未知趙世光有否試過她的手勢？
趙世光和紅顏知己譚玉梅被指早前雙雙遊法國，昨日譚玉梅以一身透視上衣，下襯牛仔短裙出現中環置地廣場，同行還有兩名女性友人。
譚玉梅表示法國之行後，再往新西蘭逗留了一星期，她說：「因為我參選華裔小姐嗰年嘅新西蘭代表結婚，我咪去參加佢嘅婚禮囉。」
問譚玉梅見好友結婚，有沒有結婚的衝動？她說：「都有㗎，重愈快愈好㖭，不過我𠵱家都冇男友，我諗我要努力加油啦。」
近來非典型肺炎肆虐香港，但昨日記者所見，譚玉梅並沒有佩戴口罩，只把口罩放在手袋之內。
譚玉梅承認是貪靚之故才不戴口罩，她說：「有咗非典型肺炎後，我都少咗出街，咁得閒就喺屋企睇書自學煮廣東菜同煲湯。你知啦，女人廚藝叻喺男人心目中係會加分㗎嘛。」未知譚玉梅煲的，是否近日大熱的清熱潤肺湯水呢？
問譚玉梅趙世光有沒有喝過她煲的靚湯？她哈哈大笑說：「我不嬲都有請朋友飲湯㗎啦，但係我𠵱家都係初學階段，手勢麻麻哋，啲湯多數我自己飲，啲湯渣就畀屋企隻狗食囉。」
採訪、攝影：JessicaNgan
