網上留言反對復課
中學生：董建華快啲落台！

【本報訊】政府宣布局部復課後，一些中學生在網上簽名及留言反對復課，其中不乏名校學生；更有學生要求「董建華下台」，有人留言「董建華快啲落台啦，香港就俾你整死喇」，而教育統籌局局長李國章亦成為發洩對象。

「當我哋白老鼠咩！」
政府於本周三宣布中三及以上學生復課後，有學生在網上發起「反對中學四月二十二日復課」簽名行動，有學生留言洩憤，「未停課之前就十幾二十單（每日新增感染非典型肺炎個案），𠵱家三四十單，要我哋復課！你冇嘢呀！當我哋白老鼠咩！」
「你哋（官員）又話學校安全，咁點解淨係中三以上要返？」，又說：「唔想番去病死」，也有低年級學生說：「我有個家姐讀中學，就算我唔使返學，都好驚家姐惹到呀！」
但也有少數學生留言贊成復課，並指「其實各位都係懶唔想返學啫」，以及「我哋如果再跟唔上進度，只會俾人淘汰」等。

至昨晚逾八千人次簽名
該網至昨晚已有逾八千人次簽名或留言，其中包括自稱拔萃、喇沙、聖保羅男女、聖約瑟、庇理羅士等名校的學生。
教統局發言人說，高年級學生懂得個人衞生，因此先行復課，復課時中學僅約一半學生上學，會利用校方進行衞生教育等工作。