八方睇睇近日公布嘅疫廈名單，發現港島南區同山頂都有一單，灣仔近日就冇人中招，新界西北亦比較少。
但有日日睇疫廈名單嘅老友話，政府公布之疫廈，十日內有病例者先會列入，所以要小心。佢舉例話，新界東醫院聯網兼威院總監馮康，早前已證實感染沙士，佢住喺陽明山莊，但呢幢豪宅一直冇出現於疫廈榜，鄰居都好奇怪。佢重話，一早就知山頂有事，愉景灣聽聞都有懷疑個案，半山區亦傳過，所以啲有錢佬同鬼佬都好驚，紛紛去買空氣機。
除咗馮康，醫管局總裁何兆煒聽聞住喺沙田，不過佢更早發病，幢樓亦唔使公布。有人問八方點解何兆煒可以入瑪麗，係咪有特權？八方唔識答。不過，佢同中大班專家撐得咁「行」，又點敢入威院呢？
傳真︰2623-9278
電郵︰