沙士搞到香港經濟咁大鑊，身為工商及科技局局長，唐英年當然要諗吓計，八方知道連佢老婆都幫埋手。唐太係又一城皇府粥麵店熟客仔，佢前日去食完嘢，順便訂咗皇府上層，話唐局長聽日上晝十一點半會同記者去捧場。
局長包場要使幾多錢？皇府老闆娘王太話未得閒同唐太傾，反正局長都係一片好心想宣傳促進消費。王太話，佢哋賣嘅多數係平民食品，而最出名嘅就係「食神叉燒飯」，希望唐局長到時會試吓。
唐英年聽日去食粥，何志平噚日就去咗食雞燉翅。「明天更好基金」及「心連心全城抗炎大行動」請何局長去九龍灣淘大附近嘅稻香漁港食大餐，為飲食業打打氣。美食當前，何局長食到連手指都吮埋，好彩之前佢有用酒精消毒雙手。
傳真︰2623-9278
電郵︰