淘大花園SARS研究報告一出，唔止好多住緊淘大嘅居民緊張，連三月三十一日封樓當日去過淘大E座嘅李麗娟都大吃一驚。原來媽打當日去到現場，未知道天井咁高危，同警方一位指揮官Apple齊齊伸個頭出去天井望，重講咗句「乜真係咁窄嘅？」
噚日香港明天更好基金請媽打同議員張宇人及一班飲食界代表去奧海城聯邦大酒樓聚餐，講起呢件事重猶有餘悸。另一位策劃周六、周日三十六小時全港大清洗行動嘅主將，係民政事務總署署長王榮珍，佢話呢排淨係顧住安排行動，結果身邊嘅人笑佢改咗個日本名：「一味抗炎子」。為響應復活節假期留港清洗、留港消費，何志平今日會去德福稻香食番餐㖭。
（圖）李麗娟（左）話從未見過香港人咁齊心。
傳真︰2623-9278
電郵︰