一向愛心爆棚嘅荷李活女星安琪蓮娜祖莉（AngelinaJolie），繼早排捐巨款協助保護柬埔寨嘅野生動物之後，呢期佢又捐多一萬美元（約七萬八千港元）畀一間斯里蘭卡醫院。原來身為聯合國難民公署親善大使嘅安琪蓮娜，早前探訪完斯里蘭卡嘅一間醫院，眼見入面只係得一個醫生同五個護士為病人醫病，環境咁淒涼，梗係立即掏腰包捐錢啦。