「心連心─全城抗炎大行動」得到愈來愈多捐款,繼新鴻基地產日前捐出五十萬元,李嘉誠旗下嘅長江集團都捐五十萬贊助該活動。
講起誠哥,八方噚日收到和黃內部刊物,除咗大講其3G投資外,有一篇「創意無疆界」文章,首次提及誠哥早年嘅一份創意。
據文章話,誠哥喺五十年代做塑膠業時,見到雜誌介紹外國一款新塑膠注模機,但一部要二萬元,於是發揮創意,利用一部空氣壓縮機、一個打去瓶口嘅汽水樽同幾條塑膠管,自行研製出一部注模機,功能與洋貨不相上下,價錢就只係原來嘅十分之一。咁都掂,唔怪得發達啦。
傳真︰2623-9278
電郵︰