今個星期XBOX有多款行貨遊戲推出，而且重大送贈品，買《KUNG-FUCHAOS》連隨訂埋下星期出隻《道風‧蓮拳》，就會送新款XBOX燈，至於《APEX賽車》同《MircoMachines》就會送小型車仔，都咪話唔大手筆，而下星期隻《道風‧蓮拳》係由開發血腥格鬥始祖《MORTALCOMBAT》製作，好此道者不妨留意。
被譽為上網上遊戲《FFXI》追加碟嘅《吉拉德的幻影》，前幾日已經有得賣，而且銷情亦唔錯，連帶PS2嘅HDD亦多咗人查詢，至於遊戲價錢方面亦冇乜炒味，PS2版約$270-$300左右，PC版就$320-$350左右，近排PS2就有批行貨特價GAME推出市面，好似《二人之電腦花火》、《GIGANTICDRIVE》、《XIGO》等遊戲都係百三、四蚊。有啲重跌到$80-$90左右，呢排收工早返屋企避炎不妨買幾隻返去解吓悶。
前排跌咗一輪價嘅GBASP，近排因為多咗人換機而缺貨又升番價，最新價約$820-$830左右，不過近排行貨就會係110v日本版包裝內附保用證，大家買嘅時候記得留意。GBASP嘅周邊產品亦愈嚟愈多款，USB叉電、放大鏡、後備電等多不勝數，買機時不妨問清楚。