「戒炎」令下，莘莘學子無端多了近一個月額外假期！面對突如其來的悠長假期，再添加慢九拍及舉棋不定的政策，學生哥如何自處？分別就讀中六及中四的Joku和Venyung，連串復活節活動無了期延遲外，連公開試也懸在半空！多了時間在家，更多了要留在家吃飯的理由，閒着時便索性玩煮飯仔，避「炎」又增生活情趣。而學生哥都偏愛煮些價廉、方便的東西，$10餸絕對難不倒她們。
記者：吳佩璇
攝影：黃子偉
尼泊爾之旅、公開試：全部惟有等！因參與義工計劃而認識的Joku和Venyung，本來在這個復活節參加了尼泊爾考察團，探訪當地兒童，行程亦早擬好，只是一場疫症令活動暫延至暑假。但Venyung說：「夏天尼泊爾會好熱，況且𠵱家咁嘅情況，都唔知到時會點！」更重要的是她們在來年分別要應付會考及高考，恐怕到時亦參與不了。其他如領袖訓練營、校內慈善音樂晚會及話劇，通通都突然取消。本來在5月報考英國文學公開試的Venyung，這時該在校積極備戰，但又是一場肺炎，現在惟有等：「本來要操Paper，但𠵱家喺屋企都係瞓吓覺、睇吓電視。唔係想偷懶，係因為內容都幾深，自己都唔識溫。」
一切該做的都忽然靜止了，除了悶，原來還有很多擔心。Joku說：「A-Level衝緊埋嚟，我哋Keep住每星期要交Essay，冇得唔乖乖哋讀書！」為了解悶、為了紓壓、也為了減低感染機會，她倆都不約而同增加了入廚率。一向會買餸煮飯的Joku話：「返學一日煮一餐，𠵱家一日煮兩餐。呢個假期我重學識煲去濕、潤肺湯。我睇書話西洋菜、羅漢果煲豬骨有潤肺功效。」至於較少下廚的Venyung，也因日頭在家沒人煮飯給她吃，惟有親身上陣，還叫有修讀家政科的同學仔電郵一些食譜給她，自煮烏冬、蛋糕及各式螺絲粉。今日，兩人還相約下廚，示範兩道簡單易煮兼十蚊雞就搞得掂的菜式。
同班同學都知道Joku是上海人，又會煮飯，鱔糊、乾煸四季豆、炸醬麵……平均一星期帶三天飯作校園午餐，拿手好戲輪流上場。而Joku亦視煮飯仔為樂趣，好多時都多預份量，煮埋畀同學仔齊齊食。說到上海炒年糕，更是其撒手鐧。事關上海人過時過節，必有這道菜。Joku更愛它易煮又美味：「有時唔想煮3餸1湯咁麻煩，就索性炒碟年糕當一餐。而且我好鍾意食煙韌嘢。」這段沒有學上的日子，Joku也技癢得要煮來跟Venyung分享！
材料：
現成切片年糕220克
瘦肉4両
旺菜4両
舉凡聖誕節或平日到同學仔屋企開大食會，這道豆腐茶碗蛋都是Venyung的必備食物：「冇薯片食都一定要有呢個豆腐呀！」事關Venyung跟一班好姊妹都怕肥，這道豆腐茶碗蛋，是她們參考健康食譜學做的，同樣貪其夠易整兼不沾油煙，更重要就是一碗份量就只約70卡路里，勁食都冇有怕！這陣子在家中閒着，正是最佳的解悶小品。入口滑溜又營養豐富，作為小食或撈飯吃，同樣適合。
材料：
硬豆腐1磚
蛋3隻
番茄1個
對於後生女來說，始終是喜歡行超巿多於街巿。Joku及Venyung不約而同說：「超巿舒服啲又乾淨啲。」不過，在多了的假期中，家住將軍澳的Joku也多了跟媽咪行街巿：「我哋行開尚德街巿。呢個街巿冇乜特別，不過我就喺呢段時間跟媽咪學識揀魚。最緊要睇魚眼夠唔夠精靈，摸吓啲魚肉有冇彈性。同埋學識咗煮糟溜魚片就要配桂花魚。」
至於家住九龍塘的Venyung，就引述媽咪教路，寧願行遠啲都要去九龍城街巿：「其實樂富街巿已經好大、好多嘢賣，但係九龍城街巿就更多款式、更齊全，而且價錢夠平，值得推介。」