港姐嘉碧儀跟陳宇琛（石仔）的緋聞甚囂塵上，雖然她不肯承認對方是男朋友，但卻形容石仔是「親密朋友」。嘉碧儀自覺容易招惹緋聞是因為性格粗魯，以及喜歡看汽車雜誌，故跟男生特別多話題。
出道不足一年的港姐嘉碧儀，甚受無綫器重，她除了曾任音樂節目《勁歌金曲》的主持外，亦有不少演出大騷的機會，所以累積了不少演出經驗。
嘉碧儀的知名度除了因為選港姐外，緋聞亦不少，她先後跟新城DJ啤梨（葉文輝）和石修兒子陳宇琛傳緋聞，而更多次被傳媒拍得跟石仔出雙入對，但嘉碧儀始終不肯承認二人是戀人。
問到嘉碧儀為何這樣易招惹緋聞？她說：「我多數朋友都係男仔，可能我個人性格粗魯，而且我非常好動，平時好鍾意睇車書，所以同啲男仔好多話題，唔知係咪呢啲原因，男仔都鍾意同我做朋友。」
究竟嘉碧儀跟石仔是甚麼關係？她說：「佢係我個closefriend（親密朋友），呢行我有兩個closefriend，分別係左慧琪同石仔。」近日非典型肺炎肆虐，是否影響了二人的社交活動，她說：「呢排非典型肺炎咁犀利，我都少出咗街，同石仔都係傾吓電話咋！」
採訪：比華利
攝影：陳慧安
協力：羅慧敏、卓寶花
髮型：KevinTsang（Rever）
化妝：ChanSoKit（TVB）
服裝：A/X
