平得好（手袋開倉篇）：
10蚊草袋清爽迎夏日

草袋藤籃屬於春夏天，秋冬就是皮袋絨袋的天下，兩者水火不容的，試想像挽個厚厚絨袋到海灘，格格不入吧！超過二千款原本出口日本歐洲、與連卡佛及西武同款的草袋藤籃開倉，最平10蚊一個，其他袋款平時閒閒哋都要幾百蚊個，𠵱家五分之一價錢就買到。炎炎夏日好快到，天時地利都有喇，真係諗唔到唔買的理由。

記者：李敬賢　攝影：陳偉強
Model：Amy（Imagine）

$10手工精細藤袋
這批藤袋共有原色、黑及粉紅三色，原本出口日本，手工很仔細，皮帶部份需要人手縫到藤袋上，只不過尺寸做大了1厘米而被退貨。因為這1厘米，我們有福了！

原價：（前）約$440（後）約$375
開倉價：$10

$50買西武貨
曾在西武見過同款草袋，想不到可以咁平買到，夠晒驚喜。

原價：（左）$399（右）$299
開倉價：$50

$80花得起
細細個，最啱行街用。袋上的襟花手織而成，手工不俗。

原價：$480
開倉價：$80

$100日本女孩必備
這款藤袋外形如釣魚郎用的魚籃，最受日本女孩子歡迎。

原價：（左）$690（右）$580
開倉價：$100

最啱去沙灘
在非典型肺炎陰影籠罩下，今年夏天，沙灘一定比泳池受歡迎。到沙灘享受日光浴，必備這個款式草袋，夠大個放毛巾與泳衣都得，顏色鮮豔好搶眼。

原價：（左）$648（右）$720
開倉價：$100

$50拉菲草袋
原來草袋都有好多種，包括稻草、玉米草、紙草、尼龍草等，其中以這種拉菲草最貴。現在只需$50便可買到一個，抵！

原價：$480
開倉價：$50

馬尾毛矜貴如駱駝皮
從未聽過連馬尾毛也可以用來做手袋，原來係好矜貴的東西。馬匹一年修剪馬尾毛兩次，平均最長只有25吋，由於馬尾毛十分幼細，而且需要人手編織，一天就只能織出兩米的材料。數量少，所以矜貴，它的地位等同駱駝皮。
草袋雖然青春活潑，但OL未必合用，而馬尾毛手袋就是大方得體，可以襯套裝返工。連卡佛也曾售賣馬尾毛手袋，三千多元一個，今次開倉，唔使五百蚊就買到。

消毒貼士：用稀釋火酒抹草袋
呢個時勢，差不多全身都要清潔消毒，草袋點算好？千祈唔好用1比99的漂白水，應以至少1比5的稀釋火酒擦抹草袋，火酒易揮發，唔怕搞到個袋發霉，但亦唔好用未稀釋濃度太高的火酒喎，否則染料又會甩色。

開倉資料
日期：即日至4月20日
時間：10:30am-10:00pm
地點：佐敦莊士倫敦廣場地庫1B9舖
查詢電話：34223955
付款方式：現金及信用卡（購滿$500可以Visa或Master付款）
選購貼士：今次大部份屬貨辦，所以每款只有幾個，睇中就唔好放手，不過，$10那款草袋就有大量貨源。