代表英國古典音樂界最高榮譽嘅「英國古典音樂大獎」，啱啱喺前兩日公布咗提名名單，早排分別嚟過香港嘅Bond同ThePlanets，今年齊齊入選角逐多項大獎，不過有老一輩古典音樂人話，有份角逐「全年最佳古典大碟」嘅Bond冇資格入選，重會令頒獎禮好cheap喎！
查實走性感路線嘅Bond，不時都俾學院派古典音樂人鄙視，話佢哋靠「賣肉」出位，音樂旋律太過pop，而同樣走偶像派路線嘅ThePlanets，重俾人鬧唔入流㖭。其中一個樂評人大動肝火咁話：「Bond同ThePlanets根本唔係玩classical，佢哋連做表演嘉賓都未夠班，今次入選簡直dumbdown（搞蠢）晒個頒獎禮！」言下之意即係話佢哋係流料啫！
其實呢個古典頒獎禮不嬲都係以敬老為大前提，今屆意大利失明歌王AndreaBocelli已經穩袋個大獎咁滯，Bond同ThePlanets唔使講都知輸硬，我羅拉都唔明點解班古典樂迷咁扯火為乜？