無綫新劇《鳳舞香羅》開拍前換女主角，由向海嵐代替郭羨妮，昨日向海嵐、陳豪首日開工，在上水拍攝一場文戲。向海嵐說：「第一次同陳豪合作係《帝女花》，第一場同佢拍就係床上戲，當時大家都唔熟，好尷尬，但係呢個劇就好含蓄，冇激情戲。」而陳豪對於換角一事則說：「我知道換角時都嚇一嚇，最初以為有乜事，最近咁多病，邊個有病都唔想。」
上星期陳豪到廣州剪綵，返港後即開工拍劇，問他有否被要求隔離？他說：「冇啊，唔知喎，可能公司遺忘咗我。」但向海嵐知道陳豪曾到廣州，又未被隔離，坦言對他有點避忌，向海嵐說：「搞到我好鬼驚，今日媽咪都有打畀我，佢睇報紙知道陳豪上過廣州，都問我會唔會有危險。」
採訪、攝影：楊潔雯