陳慧琳（Kelly）前晚與李克勤拍攝新歌《愛一個人》的MV，二人在片廠內踢水，好不高興。Kelly表示與男友很少見面，常被對方埋怨。
陳慧琳和李克勤前晚在西貢成豐片廠拍攝合唱歌《愛一個人》的MV，二人在積滿水的屋內一起踢水，踢得十分高興。克勤大讚Kelly是神聖不可侵犯的女神，而Kelly則心繫男友Alex，表示稍後要到美國登台，二人聚少離多。
問克勤會否與Kelly拍攝親密鏡頭？他說：「我哋會着重意境，最緊要拍得靚。」然後克勤大讚Kelly說：「佢好專業，又守時，冇花邊新聞，係個好clean嘅藝人，神聖不可侵犯。」克勤又謂知道要拍玩水鏡頭，故已帶備拖鞋、毛巾及內衣褲替換。
Kelly前晚以一件透視上衣亮相，她說：「導演要求我着淺色同絹質嘅衫，我將所有啱襯嘅都帶晒嚟。」歌曲內容講述一對男女不時埋怨伴侶，在現實生活中，Kelly表示不會埋怨男友，反而男友埋怨她經常不在香港。
Kelly說：「我啱啱去完台灣同韓國返，過兩日又要去美國開演唱會，我男朋友只可以睇相、睇電視同雜誌先見到我，我哋會用電話短訊溝通。我哋咁少見，都唔會見到佢有乜缺點，只會搵佢嘅優點。」問Kelly可怕在美國過關時遭嚴格對待？她說：「出境時唔咳囉，但愈唔敢咳個喉嚨會愈痕。」
採訪：李珮洳
攝影：林德雄
