四月一日愚人節嘅疫埠傳聞，引發港大行為健康教研中心總監陳麗雲教授好多疑問：點解除咗一般人，連知識分子同中產都信呢個謠言，重一齊撲去超市掃貨？陳教授唯一嘅解釋，就係大家都缺乏安全感同信心。所以陳麗雲決心發起「齊心行動」，集合港大教職員同學生嘅力量，與公眾齊心抗炎。
八方之前講過陳教授對SARS另有新解，佢話重有一個最新版本，就係SustainableActionforRejuvenationofSociety，即係話持續不斷咁行動，為社會重振活力，轉危為機。呢個星期五，港大會舉辦「齊心行舉大使活動」，多個學院包括中、西醫學院、心理學院、社會科學院、行為健康教研中心等會齊集黃麗松堂，為大眾從多個角度講解疫情。
（圖）陳麗雲教授話圖中充滿禪味嘅蓮花照片，令人重新思考生命意義。
傳真︰2623-9278
電郵︰