有人話，怕老婆有得發達，但係我哋嘅特首咁怕董太，就冇乜運行。
話說董夫人趙洪娉自從執垃圾一役，出咗句名句叫香港人唔好只識得Complain,complain,complain；之後A1好似沉寂咗一陣，但佢原來都係同八方一樣，唔講嘢唔舒服，於是又着到好似蒙面超人，心口有個「勇」字去牛頭角做義工，效果點？咪同過去每次一樣，講咗啲唔應該講嘅嘢囉。
唉，點解A1鋪鋪都咁撞板，唔通冇人教佢嘅？答案真係冇，佢叫特首夫人，但唔受特首辦管，除咗老董，邊個敢話佢一句？老董出名錫老婆，又自認係一個唔負責任嘅爺爺，睇怕都係一個唔負責任嘅老公，所以老婆都管唔住。董太「太上皇」身份一日不變，都好難望佢阿嬸會明白沉默是金嘅道理。
（圖）董太：冇人管到我！ 設計對白
傳真︰2623-9278
電郵︰