肺炎一發不可收拾，政府民望唔使問都知。喺最近一次嘅港大調查中，董事長同梁錦松司長得分慘不忍睹，反映市民眼睛好雪亮。不過，在這個發瘟的季節，廖秀冬局長民望依然高企，遠遠拋離佢班同僚。究竟冬姑有乜咁把炮呢？
八方向冬姑老友求教，佢笑笑口話，你知唔知廖局長前夫係邊個？知，咪蕭炯柱囉。咁你知唔知蕭公子以前做乜？知，做咗成三十年公務員，退休前官拜規劃地政局局長，出晒名叻仔，亦非常識做官。咁同一個公務員結婚生仔，一齊生活咗咁耐嘅女人，你估佢明唔明白公務員嘅行事方式同思維方法呢？啊，明白明白。
上至董事長、下至空降問責高官，最大問題就係唔明白公務員文化，所以大家磨極唔合。語言上溝通到，思想就溝通唔到，於是搞到今日一鑊粥。冬姑有特殊背景，自然少好多阻力，因為以前根本就生活喺大半個公務員世界。咦，冬姑咁掂，會唔會做上去呢？
呢位高人答話，佢加入政府，要證明嘅嘢已經證明咗啦。大家明唔明解呢？
傳真︰2623-9278
電郵︰