她們不是前線醫護人員，但工作同樣要冒十足風險。「心情真係好複雜，一來驚，調轉嚟諗，老人家無人理重慘，無諗過唔做。」這是堅持的理由。幾個家庭福利會職員，在這個疫情蔓延的時候，堅持深入牛頭角下邨這「險地」照顧一班獨居老人。這種無私的精神，讓我們看到人間有情。
小組成員之一的劉姑娘服務觀塘區九年，替獨居老人送飯、清潔、購物、睇醫生、沖涼及護理，差不多每日與受助老人見面，多年來建立了密切的關係，就像是一家人。「做咗咁多年有一份歸屬感，喺呢個環境反而要關心佢哋多啲。老人家年紀大，接收嘅訊息少，呢類咁突發嘅事件，要提點佢哋多啲。
旁人看她們的裝束都報以奇異目光。社工黃姑娘感歎說：「曾經聽同事說，接老人家出院，俾醫院護士笑我哋着得誇張。」這種不被了解的感受，比怕受感染的心情更令人難受。「戴住口罩真係好焗，一日換幾件衫，但我哋唔可以除低，我哋要保護自己和服務使用者。」
每天丟棄的防護衣物，與丟掉金錢無異，開銷大了，政府卻無意增撥資源紓緩社會服務界的困境。社會工作主任唐彩盈衷心感謝各同事的努力：「之前成個觀塘區請咗十幾個兼職員工，全部唔見晒人。但我哋班全職同事，無一個人話唔落去(觀塘區)，眾志成城維持服務。佢哋唔係醫護人員，只係默默耕耘，好有士氣。以前啲人笑我哋送飯服務係送外賣，𠵱家睇到有分別，我哋有使命感，同你畀錢買飯盒唔同，無論幾困難都要繼續。」義之所在，勇者無懼，願有心人給予精神上及物資上的支持。
記者、攝影：邵超