Shine兩位成員徐天佑和黃又南，最近為本地男裝新品牌BGW拍攝平面廣告，二人簽約一季已賺六位數字酬勞，雖然Shine又賺一筆，但因市道不景，必須積穀防饑，故成員黃又南已暫擱買車計劃，而徐天佑亦只敢購買一隻迷你鑽石耳環獎勵自己。
男子組合Shine近日獲本地男裝新品牌BGW青睞，邀請二人拍攝平面廣告，雖然香港經濟陷入低潮，但Shine卻以六位數字酬勞簽約一季，BGW更承諾會贊助二人服裝一世。
日前Shine在柴灣一間影樓開工，八個小時內，二人各換上七至八套便服上陣。Shine雖然又賺一筆，卻不敢胡亂花費，天佑只敢買下一隻迷你鑽石耳環，在拍廣告時戴上，他笑說：「隻鑽石耳環細粒到連風都吹得起。」
Shine日前接受本報訪問時，在電話中說：「我哋之前接咗好幾個job，但呢排受啲非典型肺炎影響，好多都押後到六月至舉行，𠵱家市道唔好，我哋都唔會問價錢，有嘢做就畀足心機，我哋都希望可以畀番啲shine（光彩）香港市民。」
Shine今年已接拍了多個廣告，還清經理人公司的墊支後，二人已開始有真銀落袋，不過因時勢欠佳，天佑和又南均努力儲錢，積穀防饑。
又南一直希望買車，但現在已擱置買車計劃，寧願繼續以姊夫的座駕代步，至於比又南更慳家的天佑，亦將酬勞交給家人處理。
採訪：朱芷瑩
