梁詠琪（GiGi）日前接受港台「2003十本好書」錄音訪問，分享閱讀心得及對愛情的看法，訪問片段將於本周六播出。
GiGi在訪問中說：「睇幾米嘅書有一種重拾自己童真嘅感覺。」而GiGi亦十分喜歡愛情小說，她說：「我覺得唔完美嘅愛情係最悽美，最唔夾嘅到最後都可能會一齊。」
GiGi亦表達了自己對於命運、愛情與寂寞的看法，她說：「命運就係我哋嘅敵人，我哋要控制命運，唔應該俾命運控制；愛情就好似空氣，係一定要有，人自然會容光煥發；而寂寞就好似感冒，如果唔理佢，就會更加嚴重。」GiGi亦透露自己是張小嫻迷，她說：「可能因為我覺得佢有啲偏幫女性，每次睇都好投入，都會喊㗎。」
此外，剛於上海拍竣《愛斷了線》的GiGi昨日返港，只見她全程戴着口罩，接機的fans更送上消毒用品給偶像，問GiGi入境時有否接受體溫量度？她說：「冇呀！」
採訪：王連連
攝影：陳慧安