近日零售業慘淡經營，各大商場及百貨公司都努力度橋救亡。八方希望大家互相支持，莫被病毒嚇到儍，所以喺度報吓行街貼士。
銅鑼灣崇光百貨今日開始一連七日，搞「購物獻心意」優惠，超過三百間商戶提供唔同形式優惠，有九折、有四折；優惠期間賺到嘅錢，部份會捐畀醫管局，等前線醫謢人員可以買多啲防護裝備，同肺炎病毒繼續打仗。崇光話，希望可以籌到一百萬元。
地鐵旗下商場人流少成半，食肆生意更大減，但喺復活節四日假期內到青衣城、德福商場及杏花新城累計光顧滿五百蚊，就會送一百蚊現金購物券，每間商場每日以先到先得形式送畀一千名客戶，總共會送出一百二十萬元。時代廣場就計劃派水果；新城市廣場及同系十一個場就準備派抗炎三寶；至於泊車優惠，幾乎個個場都有，去行吓啦。
﹙圖﹚崇光副店長盧少慧（左）希望透過今次活動，激發社會團結互助嘅精神。
傳真︰2623-9278
電郵︰