雖然最近國際社會因為「沙士」SARS，全部都想同香港劃清界線，但其實都有人好關心同支持香港，好似瑞典一間大學就決定頒個人權獎畀前線召集人劉慧卿，查實呢個獎唔嘢小，前波蘭團結工會領袖華理沙同南非大主教杜圖都攞過，主要係用嚟表揚喺人權同言論自由方面有貢獻人士。
劉慧卿話覺得自己同華理沙、杜圖貢獻重有距離，佢接受呢個獎都有少少受寵若驚。卿姐重會得到五萬港元獎金，佢會親自飛去瑞典攞獎，重安排咗同當地官員見面，到時梗係唔少得講二十三條啦。
卿姐話雖然「沙士」疫潮未過，但佢去瑞典完全冇問題，呢個獎亦可以睇到外國其實重係好關心香港，唔係淨係講想隔離香港。
（圖）卿姐遲啲會去瑞典親自領獎。
傳真︰2623-9278
電郵︰