港大微生物學系主任袁國勇最近同冠狀病毒爭分奪秒，八方聽聞佢正日以繼夜喺實驗室秘密練兵，希望可以盡快搵到破解呢隻病毒嘅方法。
原來袁國勇喺港大已被視為英雄人物，一位醫科五年級嘅學生快將去瑪麗實習，有人問佢驚唔驚，佢竟然話：「梗係唔驚，我要去跟袁國勇。」
咁當然，港大校長徐立之係基因研究嘅專家，佢已經一早調派好多人手去幫袁教授手。而港大工程系嘅人亦已去咗機場協助搞紅外線驗體溫檢疫，又去咗淘大幫手做調查分析。
總之，港大全民皆兵，目前六個中招嘅學生已有兩個出咗院，大學上下都比較平靜，唔知係咪有專家喺附近，心都定啲呢？
傳真︰2623-9278
電郵︰