為煮出動人故事，刀嘜食油將在母親節期間，舉辦第二屆刀嘜好媽媽十大愛心菜競選。面對種種逆境，今年的競選特以「加油」為主題，除向天下母親致敬，亦為香港人打打氣！
記者：吳佩璇攝影：陳陶鈞
去年的三甲人馬貝太，就憑一道令囡囡Yani激瘦近二十磅的雜菜煲而獲獎。原來當日也是Yani靜雞雞提名媽咪參賽，大頭蝦的她更只在進行錄影比賽前的一晚才知會媽咪！急就章之下，還是勇奪殊榮，就知貝太的溫馨家庭故事，有如這個雜菜煲滿載各式材料般豐富！
家住屯門的Yani，自小四開始由九龍轉回屯門讀書後，年幾之間暴肥了三、四十磅，四年級便已有112磅！貝太見情況嚴峻，就選擇煮雜菜煲，材料既豐富又可隨意添加配料，最重要是可吃得清淡。這招果然奏效，一年間Yani瘦了十幾二十磅，14歲身高165cm的Yani，如今只有110磅。
Yani亦將其成功減肥的經歷，寫下了兩頁紙的溫馨故事，提名媽媽參賽，但貝太獲悉時已是比賽前一晚。「星期五晚阿囡放學先同我講：『媽咪，聽日同你去買餸煮雜菜煲。我提名咗你參加比賽，星期日就錄影。』」突如其來，樂天的貝太沒半點緊張：「咪當去參觀電視城囉！之後我同囡囡就喺星期六晚拿拿臨綵排一次。」結果仍奪季軍，正如滿有信心獲獎的Yani講：「我哋道菜有個好故事嘛！」
綵排期間真係錯漏百出，就如豆腐等材料一早放下，結果上枱時已經爛溶溶。貝太笑說：「綵排嗰晚我同囡囡講：『聽日（比賽日）係咁就死啦！』」比賽當日貝太就滿以為將雜菜煲上得靚靚，但竟然又忘記了落鹽：「我咪趁鏡頭無對住我嗰陣落番！」不過講到最難忘，便是Yani學校也頒獎表揚她，碰巧她在校內的話劇組又獲獎，結果一天之內Yani三度上台領獎，從此獲校長垂青。
有咩料：紹菜半斤、中型西蘭花及椰菜花各1個、金菇1-2包、鮮冬菇4両、鮮蝦半斤、雞柳4両、豆腐2磚、粉絲2包
4.蝦、豆腐及粉絲三樣最易熟的材料，宜最後才放下。另加1茶匙鹽吊味，待全煲煲滾即成為一味健康雜菜煲。
囝囝皓然出世時就患有氣管敏感，貝太又不想他吃太多西藥，就想到可紓緩氣管敏感的鱷魚肉湯。「我去藥房執藥時，有師傅教話鱷魚肉對氣管好，所以由仔仔幾個月大嗰陣，我就放呢個湯入奶樽畀佢飲。」一直到現在，皓然已經9歲，逢轉季等高危日子，貝太仍日日煲這個湯：「因為湯水係保健，所以要成日飲先有效。」而皓然雖說日日飲會有點悶，但仍好聽話：「湯好好味，唔飲成晚咳，飲咗會咳少啲。」
有咩料：
乾鱷魚肉2両、鮮鱷魚肉半斤、茯神芯少許、玉竹芯少許、淮山4-5片、茨實少許、鮮及乾蓮子各少許、百合3両、南北杏2両、黨參（傷風忌用）少許
4.先大火煲大半小時，再轉慢火煲1.5-2小時即成湯。