楊思琦、馬浚偉及歐錦棠昨日在將軍澳廣播城，為電視電影《懸案追兇》試造型。楊思琦在戲中要跟馬浚偉一人分飾的三兄弟做對手戲，她說：「最初我睇劇本都有啲亂，好似每一場戲都係要哭哭啼啼咁，情緒大起大落，會好激動，每日都要死去活來，我自己都有少少擔心，驚會影響到自己都唔開心。」
問楊思琦有否跟李泳豪研究怎樣演出新劇角色時，她說：「我未同佢講，連屋企人都未講，我驚屋企人知道會嚇親，而佢（李泳豪）有經驗，細細個係童星，我都會問吓佢點樣喊。」
而馬浚偉表示近日身體不適，經常會緊張、驚恐及手震，他說：「其實幾年前都有食藥，停咗一排，最近又要食番。」問馬仔是否近日被人「激親」？他說：「入行之後到𠵱家都好煩未停過，其他我講過唔再講就唔再講。」
採訪：楊潔雯
攝影：黃文成