瘟疫下飲食業成重災區，八方見過福臨門晚市全個場得七個客，亦聽聞德榮因為同業主傾唔掂，月底租約滿後可能唔再做，有錢佬飯堂都咁，一般食肆景況可想而之。
不過，市淡都要做的嘢。
美麗華集團旗下美麗華酒店theatrium咖啡閣、東宮、西宮、翠亨邨及雲陽閣川菜館等，都喺入口放置「自動手部清潔消毒機」，畀客人進餐前後消毒雙手，又裝埋「臭氧空氣清新機」，分解氧氣成為氧原子，組成臭氧，減少空氣中嘅病毒細菌，以令顧客安心坐。
酒店業亦要自救。
尖沙嘴鷹君酒店由周五開始，有優惠住宿計劃。港澳居民入住，每晚一千二百八十八元，有六張餐飲券外，泊車、本地電話、使用健身中心及泳池等都免費。各師各法，務求救市，政府咁慢，惟有靠自己啦。
（圖）美麗華集團旗下食肆嘅入口都放咗自動手部清潔消毒機。
傳真︰2623-9278
電郵︰