張國榮剛去世時，其好友張曼玉雖身在歐洲，卻天天茹素。張曼玉昨日在日本接受訪問時，表示為了懷念亡友，今後每逢初一、十五會繼續食素。
張曼玉昨日以半私人性質由歐洲飛抵日本東京，她除陪伴父母旅遊外，更與電影《英雄》的服裝指導和田惠美，預早為八月在日本上映的《英雄》宣傳。記招在東京ParkHyatt舉行，剛好是張國榮生前訪日時多次入住的酒店。
雖然現場沒有人戴口罩，但當地記者卻相當關心非典型肺炎問題。被問到入境時有否被檢查，曼玉說：「我係喺歐洲住咗幾個禮拜直接到日本，所以入境冇問題。擔心就一定有，但我嚟完東京會即刻返香港。我個人好信命運，如果上天要我病（肺炎），都冇得好講。不過基本嘅防疫工夫，好似戴口罩同勤洗手，我都會做足。」
而大會雖然事先再三強調，不可追問私人問題，但當被日本記者問及對張國榮自殺一事的感想時，曼玉坦然剖白道：「對於張國榮呢件事，我都唔知點講，佢一定有自己嘅原因去做呢件事。佢選擇呢條路，大家都好震驚，好傷心，作為佢一個朋友，我一定會尊重佢嘅決定，佢咁大個人，一定識諗，我相信佢諗咗好耐先咁做。」
張國榮初離世時，曼玉表示會一直茹素，直至自己捱不了。問到現在是否仍不吃肉時，曼玉說：「我決定今後每逢初一、十五，我都會為哥哥而食齋。」
曼玉又回憶當年主演的《阮玲玉》，角色最後都自殺，當時已使她明白一個人何故會輕生。但曼玉強調自己絕不會這樣做，她說：「我仍要多謝佢（張國榮），經過呢件事，我認為做人要堅強，唔好以為好多事好大劑，要好好處理生命。」
特約記者森林檎東京直擊