吳國敬將於六月十日及十一日，假紅磡體育館舉行他入行十九年來首個演唱會，邀請了老友許志安、鄭秀文、蘇永康、梁漢文及陳慧琳擔任嘉賓。蘇永康又透露今次義務擔任嘉賓，是為了報答吳國敬創作了不少好歌給他們。
吳國敬、許志安、蘇永康和梁漢文昨日到尖沙嘴日航酒店，出席吳國敬於六月十日及十一日在紅館舉行的首個演唱會「好友敬King'sLive03」記者會，眾人除了預祝阿敬個唱成功外，阿敬亦用「夢想成真」四字來表達他八四年入行以來，終能開其首次個唱的心情，並即席以一個拔劍儀式象徵消除逆境，齊抗肺炎。
今次個唱阿敬除了邀請好友安仔、康仔和梁漢文做嘉賓外，亦聯絡了鄭秀文（Sammi）、盧巧音及雷頌德等，由於兩場個唱的嘉賓都會不同，相信到時阿敬會悉心安排，避免前度情侶安仔和Sammi同台演出。不過康仔和梁漢文已經落實會連續兩場都擔任嘉賓，梁漢文說：「幾個兄弟之中，得佢一個未開過演唱會，今次佢處男下海，一定要幫手。」
康仔亦踢爆阿敬出道時已經計劃開演唱會，不過一等便已十多年，康仔說：「大家唔好忘記阿敬係歌手，佢好耐冇唱自己嘅歌，今次我哋做嘉賓，係等我哋有機會報答番阿敬，喺唔同年代為我哋創作唔同嘅好歌，所以一定唔計報酬。」
此外，安仔透露他們十多年兄弟的感情，亦曾出現過裂痕，他說：「呢啲實有啦，最激嗰次係冇偈傾，咪當係試練囉，總之今次我都好戥阿敬開心。佢頭先拔劍幾有型，等我都試下拔罐抗炎先。」
採訪：駱華齡 攝影：陳偉權
