葉璇早前因為放假，不停吃喝玩樂，體重飆升至一百二十五磅，腰圍亦升至二十八吋。士啤胎令葉璇鞭策自己非要減肥不可，而自她的「豬腩肉」曝光後，多間纖體公司馬上邀請她擔任纖體代言人。
葉璇日內將拍攝無綫新劇《非常外父》，但因她之前休息了幾個月，體形日漸發福，體重由一百一十磅增至一百二十五磅，腰圍亦由二十四吋增至二十八吋。葉璇日前穿上背心為新劇排舞，露出士啤胎，十分嚇人。當葉璇扭動腰部練舞時，動作亦顯得緩慢。
葉璇暴肥後，似乎為拍攝纖體廣告鋪路，葉璇昨日在電話中說：「我好易肥，我聽經理人講，近排好多間纖體公司想傾我拍廣告。」據知葉璇近日經常跟皇室纖形的負責人接觸，相信合作成數很高，葉璇說：「我見韓君婷同劉嘉玲喺佢哋度減肥，減得好成功，而且出嚟嘅廣告相效果好好，不過我同邊間纖體公司合作，都會由經理人安排。」
葉璇表示自己因饞嘴而暴肥，她說：「我早排放假，同朋友去咗日本，日日吃喝玩樂，我聽人講食多啲牛肉可以增強免疫力，咁啱呢排非典型肺炎肆虐，我都好擔心，所以喺日本嗰幾日，我食咗好多神戶牛柳，希望可以吸收多啲營養。」
葉璇又說：「我希望可以盡快減八至十磅，而腰圍就減番去二十四吋，如果唔係，我之前買嘅靚衫真係唔知點算。」
採訪：比華利
