人命關天，連中國國家主席胡錦濤都坦言，中央見到非典型肺炎喺廣東地區肆虐，「好揪心，亦好焦急。」
的而且確，SARS爆發咗個幾月，仍未受控，亦冇靈藥可以一定治好病人，眼見年老嘅、年輕嘅一個一個倒下，大好家庭搞到家破人亡，怎教人不心酸落淚？
港人感到無助無奈，但仍要生活。八方唔反對特區政府萬事以大局為重，擔心肺炎會拖垮香港經濟，怕港元被狙擊，經濟崩潰，但無論如何，將經濟放喺人命之上係萬萬不能嘅。有個別評論員嘗試從積極方面去睇，指愈差嘅情況反彈會愈大。咁究竟，香港重要喺呢場仗賠上幾多條性命呢？請記住，他們都是人，他們昨天還好好地活着。
傳真︰2623-9278
電郵︰