「你喺裏面見到啲人一路好精神，喺三日或五日之後全部都去晒深切治療部，喺十日之內你唔會知道自己身體會變差。」非典型肺炎康復者李小姐昨在電台節目中憶述在威院接受治療的日子，仍十分激動。
李小姐入院初期肺部只有一點黑影，三日後卻整個肺「花晒」，只餘一半功能，可見病情急轉直下。其友的二十多歲菲傭，入院時僅輕微咳嗽，三日後卻住進了深切治療部。
「啲醫生真係好兒戲，都未confirm（確定）我係咪，就畀我同啲confirm嘅一齊住，直至出院嗰日都話唔到畀我知係唔係。」住在淘大花園、十七歲的Eric被醫生的診斷弄得迷糊，留在瑪嘉烈度過驚慄七天。
「可能冇染病，因為搵唔到病毒，但病徵就好似。」Eric對於醫生在出院時對他模稜兩可的「專業」判斷顯得很不滿。
不少非典型肺炎康復者都質疑，部份入院時看來精神不俗的病人，何以在短短數天內病情急轉直下，可康復出院。四十歲的陳先生昨步履蹣跚地離開瑪嘉烈，其妻說：「入院兩個星期，佢瘦咗二十幾磅。」陳先生不忘勉勵仍與病毒搏鬥的戰友要積極面對。
本報記者