唔經唔覺，今個星期尾又係一年一度嘅復活節長假期，由於唔少香港人都取消咗外遊嘅打算，因而令唔少汽車代理商想趁此機會，試圖催谷吓啲新車，希望響疲弱嘅消費環境下，可以殺出一條血路嘛！當中，於去年下半年才正式引入香港嘅Smart，第二代新車據聞經已運抵本港，除咗車首正前方嘅廠徽有唔同之外，新車一台698cc三汽缸引擎嘅輸出，亦一律調升至61匹咁多，而且重新加入咗電子ESP裝置，還有經調校過嘅6前速半自動波箱組合㗎！亞Mark聽聞代理為刺激銷量，響復活節連續四日假期內，若然買車的話，準車主重可以享有兩年免息供車優惠㖭！響新稅制訂下一部CityCoupe，賣價不過$138,800起，而開篷嘅Cabrio亦不過定價$168,000起。有興趣而又想享有咁正嘅優惠的話，就真係要買趁快喇！