近日不少人都稱讚張國榮勇於承認自己的性取向，有同志更視張國榮為典範，認為其勇氣有助提升同志地位。曾經與男性助手傳出緋聞的林保怡，昨日被問到可會從中得到啟發時，即時面色一沉，並反問記者：「如果有一日，我結婚，會唔會又話我係雙性戀？」
林保怡、郭可盈、馬德鐘及趙靜儀等，昨日出席在尖沙嘴美麗華酒店舉行的《智勇新警界之復活節開心PARTY》，昨日一班劇中演員更切蛋糕慶祝劇集上周最高收視達四十點。
近日很多人都談論張國榮勇於承認自己的性取向，而他的同性至愛唐鶴德亦為大眾所接受，有同志更認為張國榮的態度可提升同志地位。曾經與男性助手傳緋聞的林保怡，昨日被問到會否覺得張國榮令大眾對同志加深了解時，林保怡說：「我覺得唔會因為佢而令大眾對同志加深了解，但一路都覺得佢係藝人之中嘅先鋒，人哋未做過嘅嘢佢都夠膽做。」
問林保怡會否從張國榮敢愛的性格中得到啟發？他即時面色一沉地說：「冇乜啟發，我林保怡由始至終唔回應，同我傳緋聞嘅人係有老婆仔女，如果有一日我結婚，會唔會又話我係雙性戀？之前夠傳我同劉天蘭同陳慧珊啦，呢啲係對我嘅惡意傷害。」
此外，林保怡近日積極籌備新大碟，更邀得郭可盈合唱情歌，郭可盈說：「我近排都有喺屋企唱卡拉OK練歌，我第一次合唱畀咗林保怡。」
採訪：卓美娟
攝影：陳志嵐
