備受車迷追捧嘅標緻206車系，廠方除為其推出頂級206RC型號外，最近亦為其推出Facelifted新版；雖然新車看似沒有多大改動，但其改動地方卻足以令206車系來得更具吸引力。
從外觀而言，經過Facelifted小改動嘅新版206與現有型號相近，但若你細心留意下，定會察覺到新車不但用上與車身同色嘅泵把及防撞膠邊外，就連氣霸連水箱散熱網亦改用蜂巢式設計，從而顯現出一份誘人魅力；就連尾燈亦改用類似307車系嘅款式，閱讀清晰明確，而頭燈亦用上更清晰光亮嘅設計，以增強晚間行車安全度呢！
車廂布局方面亦有些許改動，如當中嘅206XTPremium版本，將會加入真皮軚環、真皮波棍的、鋁製車門把手等等，顯然變得極富吸引力，機械配搭則與現有型號相同。有興趣嘅車迷，就要留意新車嘅確實推出日期喇！